Home News / Announcements City Hall Activities MLR MISALMOT SA USC CENTRAL LIBRARY INAUGURATION

MLR MISALMOT SA USC CENTRAL LIBRARY INAUGURATION

E-mail Print PDF
(PIO CEBU CITY)

Gikalipay ni Cebu City Mayor Michael Rama ang pagkamugna sa USC sa ilang pinakadakong librariya lukop nasud.

Usa siya sa napilian kinsa mo tangtang sa tabon sa historikal nga marka sa nahimong inaugurasyon sa bag-ong librariya ngadto sa University of San Carlos – Talamban Campus (USC).

Si Mayor Rama misalmot sa pagbendita ug “ceremonial unveiling of the mark” sa bag-ong librariya sa USC-TC niadtong Marso 8, 2012 kauban sa Presidential sister nga si Pinky Aquino-Abellada, Fr. Dionisio Miranda isip presidente sa USC, ug Dr. Ernesto Pernia isip chair sa USC Board of Trustees.

Gitawag ang modernong librariya nga pinakadako sa tibuok nasod sa Pilipinas. Kini mo balay sa kadaghanan sa koleksyon nga libro sa unibersidad ug gihinganlan og “Josef Baumgartner Learning Resources Center.” Ang maong librariya gitanyag alang kay Fr. Josef Baumgartner, SVD, isip kanhi chief librarian sa eskwelahan, kinsa mipasugod sab sa Filipiniana section ug Cebuano Studies Center sa USC Main.

Butyag sa presidential sister, “Thank you USC for the effort of uplifting education in the country. The new structure is dedicated to education. It is a day to rejoice.” Gilaoman sab ni Aquino-Abellada nga mosunod ang ubang eskwelahan ug mga Pilipino sa gibuhat sa unibersidad.

Mitambong sa okasyon ang mga miyembro sa Consular Corps., presidente ug mga direktor sa mga nagkalain-laing eskwelahan sa dakbayan, media, librarians, ug si Mandaue City Mayor Jonas Cortes.

Matud sab ni Maxie Cabarron kinsa mao ang director of libraries sa USC nga ang bag-ong University Central Library magamit na sa umaabot nga schoolyear karong tuiga. Abli kini alang sa tibuok estudyante sa USC ug sa publiko nga walay bayad. Ibalhin sab nganhi ang Cebuano Studies Center, samtang ang Education Library, ug Law and Business and Economics libraries anaa ra gihapon sa Main Campus nila.

Gessa Marie T. Gunuhuran

 

Last Updated on Monday, 19 March 2012 16:49  

Transparency Seal

Transparency Seal

Visitors Counter

mod_vvisit_counterToday2433
mod_vvisit_counterYesterday15062
mod_vvisit_counterThis week36931
mod_vvisit_counterLast week62151
mod_vvisit_counterThis month242098
mod_vvisit_counterLast month283688
mod_vvisit_counterAll days10010782

We have: 88 guests, 43 bots online
Your IP: 54.211.157.103
Today: Sep 22, 2014