Gisaulog pinaagi sa simpleng selebrasyon ug floral offering ang ika-114 na hanumdanan sa Tres de Abril kun asa migawas nga madaogon ang mga taga-dakbayan sa Sugbo sa rebolusyonaryo nga gipangulohan ni Leon Kilat.

Mismo ang apo ni Pantaleon Villegas, kinsa mas nailhang Leon Kilat, nga si Pilipinas Ybanez bitbit ang hulagway sa iyang apohan, misalmot sa kasa-ulogan nga gipasiugda sa Cutlural and Historical Affairs Commission (CHAC) niadtong Abril 3, 2012 sa Tres de Abril marker nga nahimutang sa eskina sa Tres de Abril Street ug V. Rama.

Apan, wala’y nahitabong reenactment alang sa anibersaryo sa Sugbuanong rebolusyonaryo karong tuiga nga kasagaran gi-atangan sa mga mitambong sa maong kalihokan.

Matud ni Glenda Gabuya, isip CHAC officer nga, “This was done to give the audience a different experience as opposed to the usual reenactment or a dance drama.”

Gidayeg ni Cebu City Mayor Michael Rama nga bisan sa Gisaulog pinaagi sa simpleng selebrasyon ug floral offering ang ika-114 na hanumdanan sa Tres de Abril kun asa migawas nga madaogon ang mga taga-dakbayan sa Sugbo sa rebolusyonaryo nga gipangulohan ni Leon Kilat.

kakulang og reenactment karong tuiga, padayong pasidunggan gihapon ug pagduso sa kalihokan aron dili makalimtan ang kabililhon sa mga nakigbisog batok sa mga Kastila 114 na ka tuig ang nilabay.

Matud sa mayor nga nakigsabot ang pangagamhanan sa dakbayan sa Sugbo kauban sa tag-iya sa pribadong luna kun asa nahimutang karon ang marker sa Tres de Abril aron kini mapalambo ug mamahimong usa ka historical site.

Buot atimanon sa CHAC ang historical marker ug mo-abag sa pakig-negosyar uban sa tag-iya sa luna aron mapatuman ang tumong ni Mayor Rama nga himuong makisaysayanong landmark, apan butyag ni Gabuya nga dili buot ibaligya o i-donar man lang sa tag-iya ang nahisgutang luna.

Si Abraham Boy Desamparado, kinsa mao ang kapitan sa San Nicolas Proper, mihatag og pagtuki sa kahulogan sa kalihokan ug mipadayeg sab sa pagtimaan sa anibersaryo sa Tres de Abril. Awhag sab niya sa katawhan nga mo-apil sa pag-atiman sa maong marker.