Home News / Announcements City Hall Activities 1st BRO Nat’l Football Festival Gisugdan

1st BRO Nat’l Football Festival Gisugdan

E-mail Print PDF

Gipahigayon ang kina-unaha’ng BRO National Football Festival 2012 niadtong Abril 20-22, 2012 sa Aboitiz Football Field, Subangdaku, dakbayan sa Mandaue human sa kapin tuig nga pagplano.

Mitambong sa maong okasyon si Cebu City Mayor Michael Rama kinsa nangulo sa pag-abli sa kalihokan sa unang adlaw nga gisalmotan sa 201 ka bando, kauban sab sa duha ka magdudula sa sikat nga grupong Philippine Azkals nga sila Emilio “Chieffy” Caligdong ug Ian Araneta.

Matud ni Mayor Rama, “Let this gathering be a friendship. And let this football tournament be a start of nation-building.”

Si Rodney Orale kinsa usa sa mga tigpasiugda mibutyag nga wa nila limitaha ang kaiphan sa magdudula aron mapahiluna ang gusto’ng mo apil sa unang BRO football festival hinungdan nga mi-abot ug duol 200 ka team tanan.

Gipamatuoran sab ni Glen Ramos isip chairman sa tibuok tournament nga mahitungod sa kadaghan sa misalmot, gihigayon ang duha ka grupo gawas sa 8 ka sungkat alang sa men’s open ngadto sa Don Bosco Technology Center (DBTC) football field, Punta Princesa sa unang adlaw.

Gilauman ni Mayor Rama nga mahimong malampuson ang maong tinguha sa mga organizers sa natad sa isports ug maka-apil ang Sugbuano’ng bando ngadto sa Philippine National Team. “Practice good manners and right conduct. I hope our team could reach globally and be no. 1 in football,” tambag sa mayor ngadto sa kabatan-onan.

Ang 1st BRO National Football Festival 2012 gipangulohan nila Keith A. Buyco, Tomasito Glen Ramos, ug Engr. Rodney L. Orale. Ang maong tournament anaa’y pagtugot sa Cebu Football Association.

 pio_bro
Cebu City Mayor Michael Rama niduaw sa mga batang manunuwa atol sa 1st BRO National Football Festival.

by:Gessa Marie T. Gunhuran

 

Transparency Seal

Transparency Seal

Visitors Counter

mod_vvisit_counterToday1359
mod_vvisit_counterYesterday8253
mod_vvisit_counterThis week1359
mod_vvisit_counterLast week64345
mod_vvisit_counterThis month1359
mod_vvisit_counterLast month291923
mod_vvisit_counterAll days10404055

We have: 52 guests, 34 bots online
Your IP: 54.226.0.225
Today: Nov 01, 2014