“No Permit, No Construction Policy”

Kini mao ang nasabutan sa konseho sa dakbayan sa Sugbu sa ilang Public Hearing sa nilabay na Council Session niadtong May9 9, 2012.

Ang public hearing gilangkuban sa mga sakop sa konseho uban ang representante sa mga nagkadaiyang condominium ning dakabayan, Office of the Building Official, Department of Engineering and Public Works, City Planning and Development Office og Department of Environment and Natural Resources.

Gituki sa panagtigum ang mga safety standards sa pagpatukod ug condominium ug para makakab-ot ug posibleng solusyon sa mga nitukod og condominium nga wala pay permit. Sigun pa ni Konsehal Raul Alcoseba “We cannot have another disaster like what happened in 101”. Matud niya nga dapat ipalig-on ang mga balaod sa pagpatukod og mga condo.

Si Architect Canezares miingon nga ang Cebu City mao ang pinakastrikto sa pagpatuman ug balaod sa tibuok nasud mao nga dapat imentenar kini.

Depensa ni Eng. Josefa Ylanan sa OBO nga naay mga kontraktor nga mopasa ug dili kompleto nga plano mao nga naay mga kakulian.

Ang konseho nagplani nga pasakaan ang penalty sa mga musupak sa balaod sa pagpatukod ug mga condo units ning dakbayan.