Nagmalampusong gipahigayon ang duha ka adlaw nga 2nd Cebu Green Economy Summit sa SM Trade Hall niadtong Mayo, 03-04 2012.

Ang maong panagtigom gilangkuban sa nagkadaiyang departamento ug opisyales sa gobyerno. Kini gipanguluhan sa mga sektor sama sa Department of Environment and Natural Resources(DENR), Cebu Chamber of Commerce and Industry ug uban pa.

Usa sa mga mitambong sa forum mao sila si Cebu City Mayor Michael Rama nga maoy nihatag ug welcome message nga “with the heart and just enough knowledge, we can create a compassionate public servant”

Gipasabot sad sa Mayor kung unsa ang angay nga kalidad sa usa ka liderato aron mapalambo ang syudad sa sugbo.

Matod pa sa mayor nga nisuporta siya sa maong lakang sa nagkalain-laing departamento dili para sa iyahang kaugalingon kundili para sa kaugmaon sa sumusunod nga henerasyon. Nitambong sad sa maong okasyon si Konsehal Nida Cabrera nga misaysay sa mga polisiya kabahin sa saktong paglain-lain sa basura ug pagrecycle niini.

Ang tumong sa programa mao ang pagpreserbar sa atoang kalikupan aron mapahimuslan pa sa umaabot nga katuigan.

Natapos ang maong kalihukan pinaagi sa paghatag ug mga certificates sa mga nitambong.