Pagsugpo sa krimen sa dakbayan ang labi’ng hagit gihapon sa mga polis diin nakita ni SPO1 Elmo Y. Rosales isip bag-o’ng pangulo sa Board of Directors (BOD) sa kooperatiba sa kapolisan nga angay kini hatagan og dali’ng pagtagad.

Mismo si Cebu City Mayor Michael Rama nahimo’ng inducting officer sa bag-o’ng Board of Directors sa Metro Cebu Policemen’s Multi-Purpose Cooperative (MCPMPC) niadtong Mayo 17, 2012, Huwebes sa hapon ngadto sa iyang buhatan.

Ang MCPMPC o Police Coop namugna niadtong June 14, 1993 nga gipangulohan ni P/SSupt Jose Gutierrez Ayap (P/CSupt na karon) kinsa kanhi komander sa Cebu Metropolitan District Command kaniadto uban sa tulo pa ka hepe sa nagkalain-laing estasyon sa kapulisan ning dakbayan.

Nasayran sa maong grupo ang pagkalugmok sa utang sa pipila nga mga kauban sa kapulisan diin miabot na sa panahon na kini naka-apekto sa ila’ng tagsa-tagsa’ng moralidad ug kahimoan sa katungdanan.

Tumong sa maong kooparitiba mao ang pagpahulam og pondo sa mga kapulisan isip mga miyembro ug aron magsilbi’ng kasandigan panahon sa kalisod.

2012 – 2013

CHAIRMAN

SPO1 ELMO Y. ROSALES

VICE-CHAIRMAN

PSI PEDRO G. QUEVEDO

TREASURER

LUDIVINA C. HONTIVEROS

GENERAL MANAGER

RODULFO A. VAÑO,

MEMBERS:

SPO1 EGMEDIO B. FELISAN, JR.,

PO3 ALVIN O. MONTEBON

SPO1 FREDILSON M. CODILLA

RET EDGARDO A. TORRES

PO3 DINDO LUMAPAK