"Trabaho, trabaho, trabaho, minusan ang pulitika...Serbisyo, serbisyo, serbisyo, dili perwisyo, ug labaw na nga dili negosyo," kini mao ang baruganan ni Mayor Michael Rama sa iyang pagpangalagad sa katawhang Sugbuanon.

Namatikdan sa mga tigpaniid nga ang usa ka tradisyunal nga politiko dumtan gyud ang mga kaalyado sa pikas, hinungdan nga magpuasa sa mga proyekto ug mga serbisyo dili lang ang mga opisyales sa Barangay lakip na usab sa kinatibuk-an ang mga lumulupyo niini.

Si Mayor Rama mibutyag nga dili himuong babag ang pulitika aron masakripisyo ang pagpangalag sa mga katawhan. Gumikan niini, mibubo ug 'Infrastructure Blast' ang kagamhanan sa Syudad sa Sugbo pinaagi sa inisyatiba sa Mayor.

Ang Barangay Talamban maoy pinakaulahing gibuboan sa mga Proyekto sa Imprastraktura nga nagkantidad ug P21, 853,220.83. Kini naglangkob sa 10 ka mga proyekto nga mao ang 'Proposed Installation of Fire Escape at Talamban Elem. School' nga nagkantidad ug P311,884.48; 'Renovation and Repair of Health Center and Lying-in Center nag nagkantidad ug P2,999,603.30; 'Drainage Canal Road leading to St. Anthony's Road ' nga nagkantidad ug P600,000.00; 'Road Concreting along Castro Residence' nga nagkantidad ug P839,570.00; 'Talamban Proper Drainage System' nga nagkantidad ug P1,000,000.00; 'Drainage System at Sitio Nasipit' nga nagkantidad ug P646,645.00; 'Improvement of Brgy. Sports Complex' nga nagkantidad ug P 345,792.56; 'Drainage System at Sitio Cadahuan nga nagkantidad ug P6,425,513.00; 'Construction of Steal I-Beam Footbridge at Sitio Lower Tac-an nga nagkantidad ug P960,000.00; Improvement of Talamban Sports and Cultural Center Stage' nga nagkantidad ug P1,200,000.00; 'Installation of Railings with Paint Reflector at Sitio Tigbao' nga nagkantidad ug P23,043.00; ug ang 'Financial Assistance with project proposals for submission' nga nagkantidad ug P6,507,577.05.