News Stories

Dakbayan sa Sugbo adunay bag-ong mga sakyanan!

E-mail Print PDF
(CEBU CITY - Public Information Office) Nakapalit na usab ug mga brand new nga mga sakyanan ang kagamhanan ning dakbayan nga gipangulohan ni Cebu City Mayor Michael L Rama

Pormal na nga gibendisyonan ni Father Pat Ornopia, pari gikan sa Archdiocese sa Sugbo, ang mga bag-ong mga sakyanan sa wala pa gitunol sa mayor ngadto sa duha ka mga buhatan, niadtong Marso 21, 2014 adlawng Biyernes didto sa Plaza Sugbo. 

dump_truck

Naglangkob sa mga brand new nga mga sakyanan ang 3 ka mga dumptrucks nga nagkantidad ug 1.86 Milyon ang usa nga lang sa Department of Engineering and Public Works kon DEPW. Gikan kini sa TKC Heavy Industries Corporation nga mao ang supplier sa maong sakyanan. 

Lakip usab sa mga bag-ong sakyanan ang duha ka Toyota Hilux nga nagkantidad ug 1.6 Milyon matag usa alang usab sa Cebu City Disaster Risk Reduction and Management Office kon CCDRRMO alang sa ilang emergency response. (Ni: Greggy Jiggs P. Senados, PIO Staff)
 

Destiny Medical Fund Inc extends donation for Lorega fire victims

E-mail Print PDF
Destiny Medical Fund Inc mihatag ug donasyon alang sa mga biktima sa sunog sa Brgy. Lorega San Miguel 

(CEBU CITY - Public Information Office) Pinasikad sa ilang Family Charity, mihatag ug donasyon alang sa mga biktima sa dakong sunog nga miulbo sa Barangay Lorega San Miguel niadtong Marso 17, 2014 adlawng Martes, ang magti-ayong tag-iya sa Destiny Medical Fund Incorporated. 

destiny_lorega

Personal nga gitunol nilang Emma Ramas, ang presidente sa naasoy nga kompanya ug sa iyang bana nga si Gil Ramas III, ang managing director, ang ilang mga donasyon nga naglangkob sa mga sinina, mga kutson nga higdaanan, mga pagkaon, ug uban pa ngadto kang Mayor Michael L Ramadidto sa bihatan niini niadtong Marso 21, 2014 adlawng Biyernes. 

Gikalipay sa mayor ang maong donasyon diin ipaagi kini sa Department of Social Welfare and Service kon DSWS ning dakbayan alang sa patas nga pagpang-apod-apod ngadto sa 5,496 ka mga biktima sa naasoy nga sunog. 

Tinguha usab sa mayor nga ma-centralize ang pagpanghatag sa mga ayuda ug donasyon gikan sa mga nagkalain-laing indibidwal og organisasyon pinaagi sa DSWS aron kini maapod ngadto sa mga biktima. Alang usab sa mga modunar mamahimong motawag sa DSWS Telephone Numbers 262-5163, 262-9350 og sa Mayor's Office 255-6984.

Matod usab ni Gil Ramas III nga walay laing magtinabangay panahon sa kalamidad kun dili kita sa usab nga mga Sugbuanon. Giawhag usab niini ang mga katawhang adunay malumong kasing-kasing ug abunda sa grasya sa pagtabang sa mga biktima sa sunog. (Ni: Greggy Jiggs P. Senados, PIO Staff)

 

Japanese firm donates 1 Million Yen for CCMC

E-mail Print PDF
Japanese firm midunar ug 1 Milyon Yen alang sa CCMC

(CEBU CITY - Public Information Office) Pinasikad sa ilang Corporate Social Responsibility kon CSR, midunar ang Karikawa Corporation, usa ka Japanese Firm nga adunay sangay dinhi sa dakbayan sa Sugbo, ug usa ka Milyon Yen alang sa pagpabarug pagbalik sa Cebu City Medical Center kon CCMC. 

Personal nga gidunol nilang Takenoki Tsurumaki ang tsirman sa karikawa Corporation uban ni Dame Anita Sanchez, ang operations director, ang naasoy nga kantidad ngadto kang Cebu CityMayor Michael L Rama niadtong Marso 21, 2014 adlawng Biyernes didto sa buhatan sa mayor. 

Gikalipay sa mayor ang maong donasyon ug dali kining mipatawag sa taga City Treasurer's Office kon CTO alang sa pagdawat sa kwarta nga mokabat ug Php441,745.00 kung e-convert sa kasamtangang exchange rate nga 1 Japanese Yen = 0.44 Philippine Peso.

Dugang pa, ang CTO mihatag usab ug opisyal nga resibo ngadto sa mga midunar. Modugang usab ang kantidad sa nalikom sa PISO MO, Hospital KO for CCMC nga mokabat na ug kapin sa 13 Milyones ka pesos alang sa pagpabarug sa usa ka moderno ug barato nga pampublikong Balay-Tambalanan ning dakbayan. (Ni: Greggy Jiggs P. Senados, PIO Staff)

 

Dakong sunog miulbo sa Barangay Lorega San Miguel

E-mail Print PDF
Dakong sunog miulbo sa Barangay Lorega San Miguel; Kagamhanan sa dakbayan sa Sugbo daling mitabang sa mga nasunogan

(CEBU CITY – Public Information Office) Human gilamoy ang gatosan ka mga panimalay sa dakong sunog nga miulbo sa walo ka Sityo sa Barangay Lorega San Miguel, usa sa 80 ka barangay ning syudad pasado alas-5:20 sa hapon Marso 18, 2014 adlawng Martes, daling mitabang ang kagamhanan ning dakbayan nga gipangulohan ni Mayor Michael L Rama ngadto sa mga nasunogan. 

Gikan sa usa ka ribbon-cutting ceremony alang sa bag-ong bangko dinhi sa dakbayan, daling miresponde ang Mayor human miulbo ang sunog ug miigo sa Sityo's Kamansi, Itom Yuta, San Roque, Lawis, Serias, Laguna, Laray ug Quadrangle sa naasoy nga barangay. 

Mipahigayon dayon ug usa ka Command Conference ang Mayor sa alas 8 sa gabii didto sa Mayor's Conference Room uban sa mga department heads sa Cebu City Hall, mga opisyales ning dakbayan ug sa Barangay Lorega San Miguel, lakip na ang representante ni Bise Presidente Jejomar Binay nga si Dr. Rey Pesquera, ug uban usab sa mga pribadong sektor ug volunteer groups alang sa pagtabang sa mga nasunogan. 

Atol sa maong panagtigom gituki ang daling pagtabang sama sa paghatag ug temporaryong kapuy-an kon evacuation center, pagkaon, tubig, suga, portalets, Police assistance, medikal nga tabang, kahapsay ug seguridad sa mga biktima. 

Samtang giisa sa General Alarm ang dakong sunog ug gibana-banang mokabat ug dili momenus 500 ka mga panimalay ang nangaugdaw ug kapin sa Singko mil ka mga indibidwal ang apektado. Nakontrol ang sunog pasado alas 7:25 na sa gabii.

Sa pagkighinabi sa BARUGG News kang Cebu City Fire Marshall Rogelio Bongabong Jr. gipasabot niini nga padayon pa ang ilang imbestigasyon kung unsa ang hinungdan sa maong sunog, sa pagsuta kung pila ang mga nasunog nga mga panimalay ug apektadong pamilya ug lakip na ang kinatibuk-ang danyos niini. Sa inisyal nga taho wala hinuoy nakalas nga kinabuhi sa trahedya apan nagpadayon pa ang imbestigasyon.

Nasuta usab atol sa command conference ang mga nagkadaiyang concerns kon mga panginahanglanon nga angay atimanon ug tutokan alang sa pagtubag sa mga problema human sa dakong sunog, ug apil niini ang centralize ug proper handling sa mga donasyon ug uban pa.

Napanglantawan usab sa grupo ang mga angayang buhaton aron mapalambo ang barangay hilabina nga sikit-sikit ang mga panimalay niini ug walay dalan nga maagian sa mga firetrucks sa mga kabomberohan ug sa kinatibuk-an nga malikayan ang lain na usab nga sunog.

Magpadyon usab ang Command Conference sa als-9 sa buntag Marso 19 adlawng Miyerkules didto sa Cebu City Command Center sa Mayor's Conference Room. Padayon ang pagmonitor ug pagtabang sa kagamhanan ning dakbayan ngadto na sa mga biktima hangtod nga mahuman ang krisis. (Ni: Greggy Jiggs P. Senados, PIO Staff)

 


Page 4 of 64

Transparency Seal

Transparency Seal

Visitors Counter

mod_vvisit_counterToday3906
mod_vvisit_counterYesterday7225
mod_vvisit_counterThis week66355
mod_vvisit_counterLast week74576
mod_vvisit_counterThis month176785
mod_vvisit_counterLast month234776
mod_vvisit_counterAll days8494826

We have: 47 guests, 23 bots online
Your IP: 67.202.56.112
Today: Apr 19, 2014