News Stories

Mga opisyales sa Barangay, Senior Citizens makadawat na sa ilang ayuda!

E-mail Print PDF
(CEBU CITY - Public Information Office) Makadawat na gyod sa ilang pinansyal nga hinabang gikan sa kagamhanan ning dakbayan sa Sugbo nga gipangulohan ni Cebu City Mayor Michael L Rama ang mga opisyales sa kabarangay lakip na ang mga sakop sa sektor sa katigulangan sa 80 ka barangay ning syudad. 

Kini maoy giasoy ni Mayor Rama atol sa Flag-raising ceremony sa liboan ka mga empleydo sa Cebu City Hall niadtong Abril 28, 2014 adlawng Lunes didto sa Plaza Sugbo. 

Matod pa sa mayor nga ipanghatag ang tag 2 Mil nga ayuda sa mga katigulangan karong Mayo 2, 2014 adlawng Biyernes. Ipang-apod-apod kini ngadto sa tagsa-tagsa ka mga kabarangayan aron nga dili na mahasol, mahago, ug makagasto pa sa plete ang mga Senior Citizens. 

Sa susamang kalambuan gitataw usab sa mayor nga karong umaabot Mayo 3, 2014 adlawng Sabdo ipanghatag na ang “Cash incentives” ngadto sa mga opisyales sa mga kabarangay nga naglangkob ning syudad. Adto kini ipahigayon sa Cebu City Social Hall.

Gihatagan ug pagtagad sa dakbayan hilabina ni Mayor Rama nga ang mga opisyales sa mga barangay ug ang sektor sa mga katigulangan aron nga mas makatabang pa sila sa ilang mga konstituwente diha sa paghatag ug dekalidadug insaktong serbisyo ug nga makapadayon sila sa ilang katilingbanong kaakohan. (Ni: Greggy Jiggs P. Senados, PIO Staff)
 

Tribu Lumad Basakanon nanghawod sa Aliwan Festival!

E-mail Print PDF
Tribu Lumad Basakanon nanghawod sa Aliwan Festival!

(CEBU CITY - Public Information Office) Mikampyon ang Tribu Lumad Basakanon sa Barangay Basak San Nicolas ning syudad sa Sugbo sa bag-ohay pa lang gipahigayon nga Aliwan Festival niadtong Abril 26, 2014 didto sa Metro Manila. 

Mao kini ang gipahibawo ni Cebu City Mayor Michael L Rama atol sa regular nga Flag-raising ceremony sa liboan ka mga empleyado ning dakbayan niadtong Abril 28, 2014 adlawng Lunes didto sa Plaza Sugbo.

_DSC7638

Matod pa sa mayor nga mura siya ug gibayaw sa dihang gi-anunsyo nga ang representante sa dakbayan sa Sugbo nga mao ang Tribu Lumad Basakanon nga maoy nanghawod usab sa Sinulog Festival karong tuiga maoy kampyon sa Aliwan Festival. 

Dugang gisaysay sa mayor nga nasakmit usab sa Tribu Lumad Basakanon ang Best in Musicality, Best in Costume, ug lakip na nga nanghawod ang representante sa dakbayan sa Sugbo nga si Steffi Rose Pearson Aberrasturi nga maoy nakoronahang Aliwan Festival Queen. (Ni: Greggy Jiggs P. Senados, PIO Staff)
 

CITOM mikita ug Php6 Milyon sa bulan sa Marso!

E-mail Print PDF
(CEBU CITY - Public Information Office) Mikita ug Php6,021,780.00 ang Cebu City Traffic Operations Management kon CITOM sulod sa tibuok bulan sa Marso ning tuiga. 

Ang maong kantidad gilangkoban sa mga nagkadaiyang mga bayranan ug multahan sa katawhan pinaagi sa mga balaod nga igo lamang gipatuman sa mga kawani sa CITOM. 

Kini gikan sa Administrative Penalty - Php1,380,680.00; Smoke Belching - Php3,000.00; Testing fees - Php130,050.00; Travel Line Fees – Php35,600.00; Road Parking Permit Fees – Php15,800.00; Motorcycle for Hire Permit Fee Php75,600.00; Motorcycle for Hire Fine – Php30,200.00; Trisikad Fee – Php114,500.00; Clamping Fee – Php224,150.00; Impounding Fee - Php136,150.00; Towing Fee – Php19,500.00; Pay Parking Fee - Php3,560,260.00; Jaywalking Fee - Php157,450.00; Police Report - Php63,040.00; Bicycle Registration Fee – Php23,960.00; Sticker Fee – Php34,400.00; Route Plate Fee – P1,750.00; ug Driver's/Vehicle Clearance Fee - P15,690.00. 

Dugang pa, mikunhod ang nakita sa CITOM sa bulan sa Marso 2014 kung itandi sa milabayng bulan sa Pebrero 2014 nga miabot ug Php6,220,072.50. Samtang taas ang nakita sa maong buhatan kung itandi kini sa susamang bulan sa milabayng tuig sa Pebrero 2013 nga mikabat lamang ug Php5,042,960.00. (Ni: Greggy Jiggs P. Senados, PIO Staff)
 

Medikal ug Burial nga ayuda gipanghatag na!

E-mail Print PDF
(CEBU CITY - Public Information Office) Gipanghatag naang laing hut-ong sa 'Burial ug medical' nga ayuda niadtong Abril 23, 2014 adlawng Miyerkules nga gipahigayon didto sa lobby sa opisina ni Cebu City Mayor Michael L Rama.

Matod pa ni Mayor Rama nga, "Ako gyong gipaningkamutan nga mahatag ug sayo ang pinansyal nga abag kay sa Mayor pa ang akong kaatbang karon moabot pa ug tuig before ma-release ang mga burial ug medical assistance. Akong gusto nga mahatag ni ug sayo ug dili dugay-dugayon aron naay magamit ang mga beneficiaries.”

Dugang pa niini nga ang atong administrasyon andam motabang sa mga nanginahanglan kaatbang man ug labaw na gyod ang kauban. Ako lang hangyo nga tabangan ko ninyo sa pagtul-id sa hiwi, pagnindot sa bati, paglimpyo sa hugaw, pagwatang sa baho ug paghan-ay sa gubot.
 


Page 23 of 88

Transparency Seal

Transparency Seal

Visitors Counter

mod_vvisit_counterToday3298
mod_vvisit_counterYesterday21241
mod_vvisit_counterThis week54607
mod_vvisit_counterLast week95914
mod_vvisit_counterThis month309658
mod_vvisit_counterLast month299820
mod_vvisit_counterAll days10712354

We have: 37 guests, 39 bots online
Your IP: 54.90.66.237
Today: Nov 27, 2014