Si Cebu City Mayor Edgar Labella mipagawas na sa Executive Order (EO) No. 80 nga temporaryong nag-suspenso sa pag-rehistro sa mga bisikleta sa syudad.
Ubos sa Article XVII sa Cebu City Ordinance No. 801 kun ang Traffic Code of Cebu City nga gi-abrobahan niadto pang Mayo 7, 1973, gikinahanglan ang pagpa-licensya sa mga bisikleta ug mga sakyanan nga guroyun sa mga hayop kun gamiton na kini sa mga dalan sa syudad.
Sa EO No. 80, gipasabot ni Mayor Labella nga nakaksabot siya sa kakuwang sa pampublikong sakyanan samtang gipaubos pa ang syudad sa General Community Quarantine hinongdan nga gisuspenso una ang pagpatuman sa maong palisiya.
